AZƏRBAYCAN RESPUBLİKASI ƏDLİYYƏ NAZİRLİYİNİN

Ədliyyə Nazirliyinin Ədliyyə Akademiyasında icra məmurları üçün “İcra fəaliyyətində stresin idarə olunması” mövzusunda təlim təşkil olunub.Təlimin əsas məqsədi icra fəaliyyətində qarşıya çıxan psixoloji təzyiqləri müəyyənləşdirmək, stresin yaranma səbəblərini aşkar etmək və əməkdaşlara stresin idarə olunması ilə bağlı praktiki bacarıqların mənimsədilməsi olub.

Yanvarın 30-da Ədliyyə Akademiyasında Ədliyyə Nazirliyinin Penitensiar xidmətinin əməkdaşları üçün “Stres və stresin idarə olunması” mövzusunda ixtisasartırma təlimi təşkil edilib. Təlimin əsas məqsədi əməkdaşların peşəkar fəaliyyətində stres faktorlarının tanınması və stresin effektiv idarə olunması bacarıqlarının inkişaf etdirilməsi olub.

Ədliyyə Akademiyasında dövlət qurumlarının əməkdaşlarının peşə hazırlığının artırılması məqsədilə keçirilən ixtisasartırma proqramı uğurla başa çatıb. Təlimlər ümumilikdə 7 qrup üzrə 91 nəfər iştirakçını əhatə edib.

Oktyabrın 31-də Məhkəmə-Hüquq Şurasının müraciəti əsasında apellyasiya məhkəmələrinin aparat işçiləri üçün “Məhkəmə proseslərində məlumatların qorunması və məxfilik” mövzusunda təlim keçirilib.

Oktyabrın 29-da Məhkəmə-Hüquq Şurasının müraciəti əsasında Azərbaycan Respublikası Ali Məhkəməsinin aparat işçiləri üçün “Mülki mühakimə icraatının aktual məsələləri” mövzusunda təlim keçirilib.

Ədliyyə Akademiyası tərəfindən Məhkəmə-Hüquq Şurasının müraciəti əsasında hakimlər üçün “Ayrı-ayrı kateqoriyalara aid cinayətlərə baxılmasının xüsusiyyətləri” mövzusunda distant formada ixtisasartırma təlimi keçirilib.

Ədliyyə Akademiyasında aprelin 4-dən etibarən başlayan “Normativ hüquqi aktların şərhi” mövzusunda təlimə yekun vurulub. Təlimdə mərkəzi icra hakimiyyəti orqanlarının, Azərbaycan Respublikasının Prezidenti və Azərbaycan Respublikasının Nazirlər Kabineti tərəfindən yaradılan publik hüquqi şəxslərin, səhmlərinin (paylarının) nəzarət zərfi dövlətə məxsus hüquqi şəxslərin əməkdaşları iştirak edib. Təlimdə mövzular Ədliyyə Akademiyasının rektoru Şahin Əliyev tərəfindən tədris olunub.

Təlim proqramı çərçivəsində iştirakçılar “Normayaratma fəaliyyəti”, “İnzibati icraat haqqında qanunvericilik”, “Əmək qanunvericiliyinin praktiki məsələləri”, “Hüquqi yazı” və “Müqavilə hüququ” mövzularında mühazirələr dinləyəcəklər. Təlimlərin sonunda iştirakçıların təklif olunduğu qurumlara təlimlərin nəticələrinə dair Ədliyyə Akademiyası tərəfindən yekun hesabatlar təqdim ediləcək.

Ədliyyə Akademiyası tərəfindən mediatorlar üçün keçirilən "Ailə və əmək münasibətlərindən irəli gələn mübahisələr üzrə mediatorların hazırlıq kursları"nın və "Mediatorların ilkin hazırlıq kursları"nın daha bir mərhələsi başa çatdı.Kurslarda iştirak edib, imtahandan uğurla keçən mediatorlara sertifikatlar təqdim edilib.